கை அமைதிகள் - 13: அர்த்த சந்திர ஹஸ்தம், டமரு ஹஸ்தம்

அர்த்த சந்திர ஹஸ்தம், டமரு ஹஸ்தம் இரண்டும் சிறப்பாக ஆடலரசன் படிமத்துக்கு உரியவை. 

அமைதி

• சுட்டு விரல் முதல் சுண்டு விரல் வரையான நான்கு விரல்களையும் சற்று வளைந்த நிலையில் ஒன்றாக சேர்த்து வைத்து, 
• கட்டை விரலை அவற்றில் இருந்து பிரித்து எதிர்ப்பக்கம் விரைப்பாக நீட்டி
• உள்ளங்கை வானத்தை பார்த்தவாறு சற்று சாய்ந்த அமைதி.

அர்த்த சந்திர ஹஸ்தம்

குறிப்பு

• அர்த்த சந்திர ஹஸ்தம் ஒரு கருவி ஒற்றைக்கை அமைதி. ஆடவல்லான் படிமத்தில் இடது பின்கரத்தில் அமைந்து தீச்சுடர் ஏந்தும்.
• அர்த்த = பாதி. அர்த்த சந்திரன் = பிறை. 
• கட்டை விரலும் சுட்டுவிரலும் சேர்ந்து சந்திரனின் பிறை வடிவத்தைக் காட்டுவதால் இப்பெயர்.

படிமங்கள்

• நடராஜர்.

அர்த்த சந்திர ஹஸ்தம் - பின் இடது கை
ஆடலரசன், 
(நன்றி: Portland art museum - Daderot, Public domain, via Wikimedia Commons)

அர்த்த சந்திர ஹஸ்தம் - பின் இடது கை

ஆடவல்லான், கருந்திட்டைக்குடி

செம்பியன் மாதேவி திருப்பணி

அர்த்த சந்திர ஹஸ்தம்
சிவன் ஊர்த்துவ தாண்டவம், ஆவுடையார்கோயில்

டமரு ஹஸ்தம்

அமைதி

• நடுவிரல், மோதிர விரல்கள் ஒரு பக்கமும் கட்டை விரல் மறு பக்கமுமாக டமரு, டமருகம் என்னும் உடுக்கையை பிடிக்கும் கை அமைதி.
• சுண்டு விரலும் சிறு விரலும் விலகி செங்குத்தாக சற்று வளைந்த நிலையில் இருக்கும்.

டமரு ஹஸ்தம்

படிமங்கள்

• நடராஜர்

டமரு ஹஸ்தம் - வலது பின் கை
நடராஜர், தஞ்சாவூர் அரண்மனை அருங்காட்சியகம்
(படம் நன்றி: Richard Mortel from Riyadh, Saudi Arabia, CC BY 2.0 <https://creativecommons.org/licenses/by/2.0>, via Wikimedia Commons)

உடுக்கை பைரவர், காளி, சிவனின் தாண்டவங்கள், சிவனின் பல வடிவங்களிலும் காணப்படும் ஒரு ஆயுதம் என்றாலும் அந்த படிமங்களில் அது பொதுவாக கடக ஹஸ்தத்தில் ஏந்தப்படுகிறது.

நன்றிக்கடன்

• கணபதி ஸ்தபதி; சிற்பச் செந்நூல்; தொழில் நுட்பக் கல்விக் கழகம்; மூன்றாம் வெளியீடு; 2001
• Gopinatha Rao, T. A.; Elements of hindu iconography; Motilal Banarasidas Publishers Pvt Ltd; 1914 Reprint 1997.
• South Indian images of Gods and Godesses; Krishna Sastri. H; Madras Governement Press; 1916
• https://www.wisdomlib.org
• மா மாரிராஜன்; சிற்ப இலக்கணத் தொடர்; மெய் எழுத்து