சிற்பக் கலை

ஆயுதங்களை ஏந்தும் ஹஸ்தங்களை கருவி ஹஸ்தங்கள் எனலாம்.  ஏழு கருவி ஹஸ்தங்களுள் நான்கு ஒரு வகை ஆயுதத்தை மட்டும் ஏந்துபவை. சிகர ஹஸ்தமும், தனுர் ஹஸ்தமும் வில்லை மட்டும் ஏந்துவன. டமரு ஹஸ்தம் டமருவையும், அர்த்த சந்திர ஹஸ்தம் தீயையும் நடராஜர் படிமங்களில் ஏந்துபவை. அவ்வாறின்றி பல்வகை ஆயுதங்களையும் ஏந்தும் கருவி ஹஸ்தங்கள் மூன்று:  கடகம், கர்த்தரி முகம், முஷ்டி . கடக ஹஸ்தம் அதனுடன் மிக நெருங்கிய கருத்து ஹஸ்தமான சிம்மகர்ண ஹஸ்தத்துடன் சேர்த்து வேறொரு பதிவில் விவரிக்கப்பட்டுள்ளது. இங்கு கர்த்தரி முகமும், முஷ்டியும். கர்த்தரி முக ஹஸ்தம் அமைதி கையிலிருந்து நடு விரலும், சுட்டுவிரலும் நீண்டிருக்கும்.  நடு விரல் சற்று முன்னோக்கியும், சுட்டு விரல் சற்று பின்னோக்கியும் கத்தரி போன்று அமையும். அணிவிரலும், பெரு விரலும் வளைந்து உள்ளங்கையில் நெருங்கி அமையும்.  சிறு விரல் சிறிது வளைந்து இருக்கும்.  மேற்கைகளில் மேல் நோக்கி அமையும். கர்த்தரி முக ஹஸ்தம் கருத்து கர்த்தரி  = கத்தரி. இது ஆயுதங்கள் ஏந்தும் ஒரு கருவி ஹஸ்தம். படிமங்கள் திருமால், சிவன், பிரம்மா, துர்க்கை, முருகர் முதலிய பல ...